India : ವಾಟ್ಸಾಪ್ ತನ್ನ ಬಳಕೆದಾರರಿಗೆ ಹೊಸ ಹೊಸ ಫೀಚರ್‌ಗಳ ಕೊಡುಗೆಯನ್ನು ನೀಡುತ್ತಲೇ ಇದೆ.
ಇತ್ತೀಚೆಗೆ ವಾಟ್ಸಾಪ್ ಲೈವ್ ವಿಡಿಯೋ ಕಾಲ್ ವೇಳೆ ಸ್ಟೀನ್ ಹಂಚಿಕೊಳ್ಳುವ ವೈಶಿಷ್ಟ್ಯವನ್ನು ಪರಿಚಯಿಸಿತ್ತು. ಇದೀಗ ಮೆಟಾ ಮಾಲಿಕತ್ವದ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ಬಳಕೆದಾರರಿಗೆ ನೀಡಲು ಉತ್ಸುಕವಾಗಿದೆ. ಅದೇ ಎಐ ಸ್ಟಿಕ್ಕಟರ್‌ಗಳನ್ನು ರಚಿಸಿ, ಹಂಚಿಕೊಳ್ಳಲು ಅನುವು ಮಾಡಿ ಕೊಡುವ ವೈಶಿಷ್ಟ್ಯ, WABetalnfo ವರದಿಯ ಪ್ರಕಾರ ವಾಟ್ಸಾಪ್ ಎಐ ಸ್ಟಿಕ್ಕರ್‌ಗಳನ್ನು ರಚಿಸಲು ಮತ್ತು ಹಂಚಿಕೊಳ್ಳಲು ಬೇಕಾದ ವೈಶಿಷ್ಟ್ಯವನ್ನು ಹೊರ ತರುವ ಪ್ರಯತ್ನವನ್ನು ಆರಂಭಿಸಿದೆ. ಪ್ರಸ್ತುತ ಪ್ರಾಯೋಗಿಕವಾಗಿ ಇದು ಆಂಡ್ರಾಯ್ಡ್ ಬೀಟಾ ಪರೀಕ್ಷಕರಿಗೆ ಮಾತ್ರ ಲಭ್ಯವಿದ್ದು, ಇದು ನವೀಕೃತ 2.23.17.8 ಆವೃತ್ತಿಯೊಂದಿಗೆ ಬರುತ್ತದೆ.
ಅಪ್‌ಡೇಟ್ ಆಗಿರುವ ವಾಟ್ಸಾಪ್ ಅನ್ನು ಇನ್‌ಸ್ಟಾಲ್‌ ಮಾಡಿದ ಬಳಿಕ ಆಂಡ್ರಾಯ್ಡ್ ಬೀಟಾ ಪರೀಕ್ಷಕರಿಗೆ ಕೀಬೋರ್ಡ್ ತೆರೆದಾಗ ಸ್ಟಿಕ್ಕರ್ ಟ್ಯಾಬ್‌ನಲ್ಲಿ `ಕ್ರಿಯೇಟ್’ ಎಂಬ ಬಟನ್ ಕಾಣುತ್ತದೆ. ಈ ಆಯ್ಕೆಯನ್ನು ಆರಿಸಿಕೊಂಡ ಬಳಿಕ ಸ್ಟಿಕ್ಕರ್ ರಚಿಸಲು ಬೇಕಾದ ವಿವರಣೆಯನ್ನು ನಮೂದಿಸಲು ಬಳಕೆದಾರರಿಗೆ ಕೇಳಲಾಗುತ್ತದೆ. ಇದರ ಜೊತೆಗೆ ಈ ಹಿಂದೆ ರಚಿಸಲಾದ ಎಐ ಸ್ಟಿಕ್ಕರ್‌ಗಳ ಸೆಟ್ ಅನ್ನೂ ವಾಟ್ಸಾಪ್ ಪ್ರದರ್ಶಿಸುತ್ತದೆ. ಈ ಸ್ಟಿಕರ್‌ಗಳನ್ನೂ ಬಳಕೆದಾರರು ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಶೇರ್ ಮಾಡಿಕೊಳ್ಳಬಹುದು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಎಐನಿಂದ ರಚಿಸಲಾದ ಸ್ಟಿಕ್ಕರ್‌ಗಳ ಮೇಲೆ ನೀವು ನಿಯಂತ್ರಣ ಹೊಂದಿರುತ್ತೀರಿ. ಒಂದೊಮ್ಮೆ ಸ್ಟಿಕ್ಕರ್ ಸೂಕ್ತವಲ್ಲ ಅಥವಾ ಹಾನಿಕಾರಕ ಎಂದು ಗಮನಿಸಿದರೆ ನೀವು ಅದನ್ನು ಮೆಟಾಗೆ ರಿಪೋರ್ಟ್ ಕೂಡಾ ಮಾಡಬಹುದು. ಮೊದಲೇ ಹೇಳಿದಂತೆ ಪ್ರಸ್ತುತ ಈ ವೈಶಿಷ್ಟ್ಯ ಬೀಟಾ ಪರೀಕ್ಷಕರಿಗೆ ಮಾತ್ರ ಲಭ್ಯವಿದೆ ಮತ್ತು ಶೀಘ್ರದಲ್ಲೇ ಇದು ಎಲ್ಲಾ ಬಳಕೆದಾರರಿಗೆ ಲಭ್ಯವಾಗು 9 ನಿರೀಕ್ಷೆಯೂ ಇದೆ.
ಇನ್ನು ಹೀಗೆಯೇ ಸುಮಾರು ಒಂದೆರಡು ತಿಂಗಳ ಕಾಲ ವ್ಯಾಪಕವಾದ ಬೀಟಾ ಪರೀಕ್ಷೆಯ ಹಂತದ ಬಳಿಕ ವಾಟ್ಸಾಪ್ ಇತ್ತೀಚೆಗೆ ಅಧಿಕೃತವಾಗಿ ಸ್ಕಿನ್ ಹಂಚುವ ವೈಶಿಷ್ಟ್ಯವನ್ನು ಜಾಗತಿಕವಾಗಿ ಬಳಕೆದಾರರಿಗೆ ಪರಿಚಯಿಸಿತ್ತು. ಅಂದರೆ ವಿಡಿಯೋ ಕಾಲ್ ವೇಳೆ ಫೋಟೋ ಅಥವಾ ಪಿಸಿಯ ಸ್ಕಿನ್ ಅನ್ನು ಶೇರ್ ಮಾಡಲು ಈ ಫೀಚರ್ ಅನುಮತಿ ಕೊಡುತ್ತದೆ.
ಇದರ ಜೊತೆಗೆ ಹೊಸ ಲ್ಯಾಂಡ್‌ಸ್ಕೋಪ್ ಮೋಡ್ ಅನ್ನೂ ವಾಟ್ಸಾಪ್ ಸಂಯೋಜಿಸಿದೆ. ಸಾಂಪ್ರದಾಯಿಕ ಲಂಬವಾದ ಪೋರ್ಟ್ರೇಟ್ ಮೋಡ್‌ಗೆ ಬದಲಾಗಿ ಲ್ಯಾಂಡ್‌ಸ್ಕೋಪ್ ಮೋಡ್ ವಿಡಿಯೋ ಕಾಲ್ ವೇಳೆ ಸಾಕಷ್ಟು ನೆರವಿಗೆ ಬರುತ್ತದೆ. ವಿಸ್ತಾರವಾದ ಮತ್ತು ಹೆಚ್ಚು ಜನರ ಗುಂಪಿನೊಂದಿಗೆ ವಿಡಿಯೋ ಕಾಲ್ ಮಾಡುವುದಕ್ಕೂ ಇದು ಅನುವು ಮಾಡಿಕೊಡುತ್ತದೆ.
