ಐರ್ಲೆಂಡ : ಮಳೆ ಕಾರಣ ಸಂಪೂರ್ಣ ಆಟ ನಡೆಯದೇ ಇದ್ದರೂ, ಪಂದ್ಯದಲ್ಲಿ ಪೂರ್ಣ ಪ್ರಮಾಣದ ಪ್ರಾಬಲ್ಯ ಮೆರೆದಿದ್ದ ಟೀಮ್ ಇಂಡಿಯಾ ಡಕ್ವರ್ತ್ ಲೂಯಿಸ್ ನಿಯಮದನ್ವಯ 2 ರನ್‌ಗಳ ಜಯ ದಾಖಲಿಸುವ ಮೂಲಕ ಐರ್ಲೆಂಡ್ ವಿರುದ್ಧದ ಟಿ20 ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ. ಪಂದ್ಯದಲ್ಲಿ 140 ರನ್ ಗುರಿ ಬೆನ್ನತ್ತಿದ್ದ ಭಾರತ 6.5 ಓವರ್‌ಗಳಲ್ಲಿ 2 ವಿಕೆಟ್‌ಗೆ 47 ರನ್ ಗಳಿಸಿತ್ತು. ಈ ಸಂದರ್ಭದಲ್ಲಿ ಎಡೆ ಬಿಡದೇ ಸುರಿದ ಭಾರಿ ಮಳೆ ಕಾರಣ ಆಟ ರದ್ದು ಪಡಿಸಲಾಯಿತು. ಬಳಿಕ ಡಿಎಲ್ಎಸ್ ನಿಯಮ ಬಳಕೆಗೆ ತಂದು ಲೆಕ್ಕಾಚಾರದ ಅನುಗುಣವಾಗಿ ಭಾರತ ತಂಡಕ್ಕೆ 2 ರನ್ ಜಯ ಘೋಷಿಸಲಾಯಿತು,
ಎದುರಾಳಿಯನ್ನು ಸಾಧಾರಣ ಮೊತ್ತಕ್ಕೆ ಕಟ್ಟಿಹಾಕಿದ ಭಾರತ
ಮೋಡ ಮುಚ್ಚಿದ ವಾತಾವರಣದ ಸಂಪೂರ್ಣ ಲಾಭ ಪಡೆದು ಭರ್ಜರಿ ಬೌಲಿಂಗ್ ದಾಳಿ ಸಂಘಟಿಸಿದ ಟೀಮ್ ಇಂಡಿಯಾ, ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿ ಆತಿಥೇಯ ಐರ್ಲೆಂಡ್ ತಂಡವನ್ನು ಮೊದಲ ಟಿ20 ಪಂದ್ಯದಲ್ಲಿ 139/7 ರನ್‌ಗಳ ಸಾಧಾರಣ ಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯಿತು. ಭಾರತದ ಪರ ಬುಮ್ರಾ (24ಕ್ಕೆ 2), ಪ್ರಸಿದ್ ಕೃಷ್ಣ (32ಕ್ಕೆ 2) ಮತ್ತು ರವಿ ಬಿಷ್ಟೋಮ್ (23ಕ್ಕೆ 3) ತಲಾ ಎರಡು ವಿಕೆಟ್ ಪಡೆದರೆ, ಅರ್ಷದೀಪ್ ಸಿಂಗ್ 1 ವಿಕೆಟ್ ಪಡೆದರೂ 35 ರನ್ ಕೊಟ್ಟರು, ಐರ್ಲೆಂಡ್ ಪರ ಆರಂಭಿಕ ಆಘಾತದಿಂದ ಚೇತರಿಕೆ ತಂದ ಕರ್ಟಿಸ್ ಕ್ಯಾಂಫರ್ (39) ಮತ್ತು ಬ್ಯಾರಿ ಮೆಕಾರ್ತಿ (51*) ದಿಟ್ಟ ಆಟವಾಡಿ ತಂಡಕ್ಕೆ ಗೌರವದ
ಮೊತ್ತ ತಂದರು. 20 ಓವರ್‌ಗಳಲ್ಲಿ ಐರ್ಲೆಂಡ್, 139/7 ರನ್ ಕಲೆಹಾಕಿತು.
ಮೊದಲ ಓವರ್‌ನಲ್ಲೇ ಮಿಂಚಿದ ಬುಮ್ರಾ ಭಾರತದ ಪರ ಬೌಲಿಂಗ್ ದಾಳಿ ಆರಂಭಿಸಿದ ಕ್ಯಾಪ್ಟನ್ ಜಸ್ಪ್ರೀತ್ ಬುಮ್ರಾ ಮೊದಲ ಓವರ್‌ನಲ್ಲೇ 2 ವಿಕೆಟ್ ಕಿತ್ತು, ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಭರ್ಜರಿ ಕಮ್‌ಬ್ಯಾಕ್ ಮಾಡಿದರು. 11 ತಿಂಗಳಿಂದ ವಿಶ್ರಾಂತಿಯಲ್ಲಿದ್ದ ಬುಮ್ರಾ ಈಗ ಅದ್ಧೂರಿಯಾಗಿ ಭಾರತ ತಂಡಕ್ಕೆ ಹಿಂದಿರುಗಿದ್ದಾರೆ.
ಬೌಲಿಂಗ್ ಆಯ್ಕೆ ಮಾಡಿದ ಭಾರತ ಆತಿಥೇಯ ಐರ್ಲೆಂಡ್ ವಿರುದ್ಧದ 3 ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ಟೀಮ್ ಇಂಡಿಯಾ ಪರ ನೂತನ ಕ್ಯಾಪ್ಟನ್ ಆಗಿ ಕಣಕ್ಕಿಳಿದ ಅನುಭವಿ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಇಲ್ಲಿನ ಬೌಲಿಂಗ್ ಸ್ನೇಹಿ ಹವಾಗುಣದಲ್ಲಿ ಆರಂಭಿಕ
ವಿಕೆಟ್ ಉರುಳಿಸಿ ಎದುರಾಳಿಯನ್ನು ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕುವುದು ಟೀಮ್ ಇಂಡಿಯಾ ನಾಯಕನ ಲೆಕ್ಕಾಚಾರವಾಗಿತ್ತು.
ಟೀಮ್ ಇಂಡಿಯಾಗೆ ಪದಾರ್ಪಣೆ ಮಾಡಿದ ರಿಂಕು ಸಿಂಗ್.
ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಪರ ಅಬ್ಬರಿಸಿರುವ ಮಧ್ಯಮ ಕ್ರಮಾಂಕದ ಬ್ಯಾಟರ್ ರಿಂಕು ಸಿಂಗ್‌ಗೆ ಟೀಮ್ ಇಂಡಿಯಾಗೆ ಕಾಲಿಡುವ ಭಾಗ್ಯ ಸಿಕ್ಕಿದೆ. ಐರ್ಲೆಂಡ್ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಎಡಗೈ ಬ್ಯಾಟರ್ ಭಾರತ ಟಿ20 ತಂಡಕ್ಕೆ ಪದಾರ್ಪಣೆ ಮಾಡಿದ್ದಾರೆ. ಕರ್ನಾಟಕದ ಅನುಭವಿ ವೇಗಿ ಪ್ರಸಿದ್ ಕೃಷ್ಟ ಕೂಡ ಪದಾರ್ಪಣೆಯ ಭಾಗ್ಯ ಪಡೆದುಕೊಂಡಿದ್ದಾರೆ.
ಟೀಮ್ ಇಂಡಿಯಾ ಪ್ಲೇಯಿಂಗ್ 11 ಋತುರಾಜ್ ಗಾಯಕ್ವಾಡ್, ಯಶಸ್ವಿ ಜೈಸ್ವಾಲ್, ಸಂಜು ಸ್ಯಾನ್ಸನ್ (ವಿಕೆಟ್ಕೀಪರ್), ತಿಲಕ್ ವರ್ಮಾ, ರಿಂಕು ಸಿಂಗ್, ಶಿವಂ ದುಬೇ, ವಾಷಿಂಗ್ಟನ್ ಸುಂದರ್, ಪ್ರಸಿದ್ ಕೃಷ್ಣ, ಅರ್ಷದೀಪ್ ಸಿಂಗ್, ಜಸ್ಪ್ರೀತ್ ಬುಮ್ರಾ (ನಾಯಕ), ರವಿ ಬಿಷ್ಟೋಮ್.
ಐರ್ಲೆಂಡ್ ಪ್ಲೇಯಿಂಗ್ 11..
ಪಾಲ್ ಸ್ಟೀರ್ಲಿಂಗ್ (ನಾಯಕ), ಆಂದ್ರೂ ಬಾಲ್ಟಿರ್ನಿ, ಲಾರ್ಕನ್ ಟಕರ್ (ವಿಕೆಟ್ಕೀಪರ್), ಹ್ಯಾರಿ ಟೆಕ್ಚರ್, ಕರ್ಟಿಸ್ ಕ್ಯಾಂಫರ್, ಜಾರ್ಜ್ ಡಾಕ್ರೆಲ್, ಮಾರ್ಕ್ ಅಡೈರ್, ಬ್ಯಾರಿ ಮೆಕಾರ್ಥಿ, ಕ್ರೇಗ್ ಯಂಗ್, ಜೋಶುವಾ ಲಿಟಲ್, ಬೆಂಜಮಿನ್ ವೈಟ್,
ಐರ್ಲೆಂಡ್ ಟಿ20 ತಂಡದ ವಿವರ..
ಆಂದ್ರೂ ಬಾಲ್ಟಿರ್ನಿ, ಪಾಲ್ ಸ್ಟೀರ್ಲಿಂಗ್ (ನಾಯಕ), ಲಾರ್ಕನ್ ಟಕರ್ (ವಿಕೆಟ್ಕೀಪರ್), ಹ್ಯಾರಿ ಟೆಕ್ಟರ್, ಗರೆಥ್ ಡೆಲಾನಿ, ಕರ್ಟಿಸ್ ಕ್ಯಾಂಫರ್, ಜಾರ್ಜ್ ಡಾಕ್ರೆಲ್, ಮಾರ್ಕ್ ಅಡೈರ್, ಬ್ಯಾರಿ ಮೆಕಾರ್ಥಿ, ಜೋಶುವಾ ಲಿಟಲ್, ಬೆಂಜಮಿನ್ ವೈಟ್, ಫಿಯಾನ್ ಹ್ಯಾಂಡ್, ಕ್ರೇಗ್ ಯಂಗ್, ಥಿಯೋ ವ್ಯಾನ್ ವೋರ್ಕೊಮ್, ರೋಸ್ ಅಡೈರ್
ಟೀಮ್ ಇಂಡಿಯಾ ಟಿ20 ತಂಡದ ವಿವರ..
ಯಶಸ್ವಿ ಜೈಸ್ವಾಲ್, ರುತುರಾಜ್ ಗಾಯಕ್ವಾಡ್, ತಿಲಕ್ ವರ್ಮಾ, ಸಂಜು ಸ್ಯಾನ್ಸನ್ (ವಿಕೆಟ್ಕೀಪರ್), ಶಿವಂ ದುಬೇ, ರಿಂಕು ಸಿಂಗ್, ವಾಷಿಂಗ್ಟನ್ ಸುಂದರ್, ರವಿ ಬಿಷ್ಟೋಮ್, ಅರ್ಫೀಪ್ ಸಿಂಗ್, ಜಸ್ಟೀತ್ ಬುಮ್ರಾ (ನಾಯಕ), ಮುಖೇಶ್ ಕುಮಾರ್, ಅವೇಶ್ ಖಾನ್, ಜಿತೇಶ್ ಶರ್ಮಾ, ಪ್ರಸಿದ್ ಕೃಷ್ಣ, ಶಹಬಾಜ್ ಅಹ್ಮದ್,
